यवतमाळ येथील स्वातंत्र्य सेनानी जवाहरलाल दर्डा विधी महाविद्यालयात "न्यायशास्त्रातील कला" या विषयावर व्याख्यान...

यवतमाळ येथील स्वातंत्र्य सेनानी जवाहरलाल दर्डा विधी महाविद्यालयात "न्यायशास्त्रातील कला" या विषयावर व्याख्यान

यवतमाळ : विद्या प्रसारक मंडळ संचालित स्वातंत्र्य सेनानी जवाहरलाल दर्डा विधी महाविद्यालय, यवतमाळ (संत गाडगे बाबा अमरावती विद्यापीठाशी संलग्न) येथे अंतर्गत गुणवत्ता हमी कक्ष (IQAC) तर्फे "सतत कायदेशीर शिक्षण" या व्याख्यानमालेचे आयोजन करण्यात आले आहे. या व्याख्यानमालेचे उद्घाटन आज, २९ मार्च २०२५ रोजी सकाळी ९:०० वाजता होणार आहे.

या कार्यक्रमात प्रमुख वक्ते म्हणून ॲड. जयवंत वाय. घुर्डे, सहाय्यक सरकारी वकील, मुंबई उच्च न्यायालय (नागपूर खंडपीठ) उपस्थित राहणार आहेत. ते "न्यायशास्त्रातील कला" (The Art of Advocacy) या विषयावर आपले विचार मांडणार आहेत. कायदेशीर क्षेत्रातील विद्यार्थ्यांसाठी आणि नवोदित वकिलांसाठी हे व्याख्यान अत्यंत प्रेरणादायी आणि मार्गदर्शक ठरणार आहे.

या कार्यक्रमाचे प्राचार्य डॉ. विजेश मुनोत सर (S.S.J.D.C.L.) आणि समन्वयक डॉ. संदीप नगराळे सर (IQAC समन्वयक)  यांनी सर्व विधी क्षेत्रातील अभ्यासक, प्राध्यापक आणि विद्यार्थ्यांना या व्याख्यानमालेला उपस्थित राहण्याचे आवाहन केले आहे. हा कार्यक्रम विधी शिक्षणाला चालना देण्यासाठी आणि कायदेशीर क्षेत्रातील नवीन दृष्टिकोन समजून घेण्यासाठी एक उत्तम व्यासपीठ ठरेल, अशी अपेक्षा व्यक्त केली जात आहे.