यवतमाळ:- महाराष्ट्र दिनाचे औचित्य साधून, 1 मे 2025 रोजी जिल्हा स्तरावर आयोजित विशेष समारंभात प्रफुल भोयर यांना महाराष्ट्र शासनाच्या जिल्हा युवा पुरस्काराने सन्मानित करण्यात आले. हा पुरस्कार त्यांना पालकमंत्री मा.श्री. संजय राठोड मृद व जलसंधारण मंत्री महाराष्ट्र राज्य तथा पालकमंत्री यवतमाळ जिल्हा यांच्या हस्ते प्रदान करण्यात आला. विविध क्षेत्रात उल्लेखनीय योगदान देणाऱ्या युवकांना हा पुरस्कार दिला जातो.
प्रफुल भोयर यांनी गेल्या काही वर्षांत आपल्या कार्यातून समाजात सकारात्मक बदल घडवले. त्यांच्या सामाजिक उपक्रमांनी, विशेषतः ग्रामीण भागातील तरुणांना प्रेरणा देण्याच्या आणि शिक्षणाला चालना देण्याच्या प्रयत्नांनी प्रशासनाचे लक्ष वेधले. त्यांच्या या योगदानाची दखल घेत हा पुरस्कार देऊन त्यांचा गौरव करण्यात आला.
हा पुरस्कार प्रफुल भोयर यांच्या कार्याला मान्यता तर देतोच, शिवाय जिल्ह्यातील इतर तरुणांना समाजसेवा आणि विकासाच्या कार्यात सहभागी होण्यासाठी प्रोत्साहन देणारा ठरला.
हा मानाचा पुरस्कार प्रफुल भोयर यांना त्यांच्या रक्तदान क्षेत्रातील बहुमोल कार्यासाठी जिल्हा क्रीडा कार्यालयातर्फे 2023-24 साठी प्रदान करण्यात आला.
यावेळी जिल्हाधिकारी विकास मीना, मुख्य कार्यकारी अधिकारी मंदार पत्की, पोलिस अधीक्षक कुमार चिंता, उपवनसंरक्षक धनंजय वायभासे, जिल्हा क्रीडा अधिकारी घनश्याम राठोड यांची प्रमुख उपस्थिती होती.
.jpg)
0 Comments