प्रिय प्रफुल...

 प्रिय प्रफुल 

रुग्णाच्या आयुष्यात 

इंद्रधनुचे रंग भरतो 

असा चित्रकार तू,

दीनांचे दुःख 

कागदावर मांडतो

असा पत्रकार तू, 

संवेदनशील रक्तदानाचा

जगात प्रसार करतो

असा प्रचारक तू,

इतरांस स्वताप्रमाणे पाहतो

असा विचारक तू,

शब्दाच्या गुंफनात

स्नेह विणतो

असा थोर कवी,

मदतगार ठरतो आहे

पिढी घडवण्यास भावी,

संकटात तारूप्रमाणे

मला वाटतोस तू......

असाच झोकून दे

निरपेक्ष पणे स्वतःला

कार्यकुशलतेने वाग

अनेकांना सुखवायचय तुला

आशिष आईचा आहे

सदैव तुझ्या शिरावर,

कर्तव्यही तेवढेच

भार वाढेल डोक्यावर

पण

 तू माणूस चांगला घडावा

ती जगते याच आशेवर

जे संस्काराचे बीज पेरले

वर्षानुवर्षे

तिचे फळ मिळो

अति मधुर सर्वास प्रिय

थांबू नकोस कधी

आले ठेच, काच, काटे, थडगे...

तुझ्यावर निर्भर आहे

कित्येक मूल्याचे रुजणे

हास्य फुलव मुखी

अनेकांचे सुंदर कर जगणे।।

           रचना :-कु. प्रणिता भोयर