"माणुसकी जप"

◆ माणुसकी जप 💫

मानवासाठी एकाने

जरी तारे आणले तोडून

ताऱ्यांचीही गरज नाही

मानवी मूल्य सोडून

माणसाला जपण्यास जो

मानवता घेतो जोडून

असे केल्याने होईल

तारे आणल्यासारखे तोडून

आभासात फिरती

सारे ताऱ्यांचे वारे

कामी पड कुणाच्या

होईल आणल्यागत तारे

दातृत्व मनातील बनेल

मग मानव पुजारी

ताऱ्यापरी राहील बघ

हीच दुनिया न्यारी

ताऱ्यापेक्षा जड होईल

मानवतेचं माप

सुंदर होईल जीवन

फक्त माणुसकी जप

     ✍🏻- प्रफुल्ल भोयर

#Bravery_Raktveer 😊

#VishwatmakAudarya_RaktapedhiEkVardan