रक्तवीरच्या रक्तदान चळवळीने वाचवले असंख्य रुग्णांचे प्राण

रक्तवीरच्या रक्तदान चळवळीने वाचवले असंख्य रुग्णांचे प्राण

                

प्लाझ्मा दानासाठी राबवतोय - आत्मसन्मान मोहीम

          संपूर्ण जग कोरोना या जागतिक महामारीचा सामना करत आहे. या संकटातून बाहेर पडण्यासाठी सर्वतोपरी प्रयत्न केल्या जात आहे. आज आपलं आरोग्य हिच सर्वोच्च प्राथमिकता झालेली आहे. कोविडच्या तावडीतून मुक्त होण्यासाठी आपण धडपड करीत आहोत.

          अलीकडच्या काळात रुग्णांची संख्या दिवसेंदिवस वाढतच चालली आहे. आज उपचारासाठी या रुग्णांना बेड मिळत नसल्याच बोललं जातं. गंभीर रुग्णांच्या आरोग्याची  निकडता लक्षात घेता  उपचारासाठी प्लाझ्मा वापरण्यात येत आहे. रुग्णसंख्या पाहता सर्वांना प्लाझ्मा मिळवून देणे शक्य नाही. पण प्रफुल्ल पर्यंत माहिती पोहोचल्यावर रक्ताची गरज पूर्ण झाली नाही, असे अद्याप झाले नाही. त्यामुळे प्रफुल्ल ची रक्तदान चळवळ ही विश्वसनीय आहे, हेही तेवढेच खरे.

           समाजातल्या गरजू रुग्णांना असलेल्या रक्ताची गरज लक्ष्यात घेऊन रक्तवीर बहुउद्देशीय संस्थेचा उगम झाला. छोटे छोटे लक्ष्य गाठत आज रक्तवीरने आपली मुळे भक्कम केली व रुग्णांना मोफत रक्त पुरवण्याच महान काम ती करत आहे. रक्तवीर प्रफुलच्या नेतृत्वाने निर्माण झालेल्या रक्तवीरांच्या साखळीने जीवनदात्यांचं रूप घेतलं आहे. रक्ताची गरज आहे म्हटल्यावर रक्ताचा पुरवठा करण्यासाठी आपला रक्तदाता तयार करतात व जीव वाचवण्याच मौलिक काम करतात.

          प्लाझ्मा मुळे कोविड रुग्ण बरा होत आहे हे माहीत झाल्यावर या रक्तवीरांनी रक्तदानाबरोबरच प्लाझ्मा दानाची जनजागृती करणे सुरू केले. अनेकांना प्लाझ्मा दानासाठी तयार करून गंभीर कोविड रुग्णांना मदत केली.

          महाराष्ट्रभर व्याप्ती असलेल्या रक्तवीर बहुउद्देशीय संस्थेने आज कोविड रुग्णांसाठी "आत्मसन्मान मोहीम" हाती घेतली आहे. यामध्ये कोविड बरा होऊन 28 दिवस झालेल्या रुग्णांना प्लाझ्मा दानासाठी तयार करणे, ही प्राथमिकता आहे. आणि तुम्ही जे करत आहात ते मानवतेच्या दृष्टीने जीवनदान आहे, ही समजूत दिल्या जात आहे, अशी माहिती प्रफुल्ल भोयर यांनी दिली. गणेश मुद्दमवार, प्रियल पथाडे, निखिल धबडगे,सुनिल नलगंटीवार, गिरी,अभिषेक ठाकुर, चैतन्य तेलरांधे, सागर ईलकर, गोकुळ जुमनाके, राहुल कुरझडकर, मोनेश्वर खंडरे, विशाल जाधव, भुषण गिरी, हेमराज गिते, अजय गावंडे आणि प्रफुल्ल भोयर मोहिमेसाठी प्रयत्नशील आहेत.

दैनिक दिव्य मराठी 21/04/2021